భారత ప్రభుత్వం ఆర్మీలో సేవలం దించేందుకు మహిళలను ఉద్యోగా లకు తీసుకునేందుకు శాశ్వత కమిషన్‌ నెలకొల్పుతోంది. దీని ద్వారా న్యాయ, విద్యా విభాగాల్లో మహిళలను నియమిస్తారు. కానీ పోరాటం చేసే కంబాట్‌ శాఖను మాత్రం ఈ కమిషన్‌ పరిధి వెలుపలే వుంచేశారు.మహిళలే స్వయంగా ముందుకొస్తున్నప్పటికీ సైనిక దళాల్లో స్త్రీని మాత్రం కేవలం సున్నితమైన పనులకు పరిమితమైన వారిగానే చూస్తున్నారు. ఎందరో యువతులు దేశ రక్షణలో తామూ భాగస్వాములమవ్వాలని కోరుకుంటున్నారు. కేవలం న్యాయ, విద్య వంటి వాటికే పరిమితం కాకుండా తమకూ అన్నిటా అవకాశం కల్పిస్తే తామేంటో నిరూపించుకోవాలని తహతహ లాడుతున్నారు. సైన్యంలో వివక్షను వీడాలని ఆ శాఖలోనే పనిచేస్తున్న ఎందరో అధికారిణులు కూడా కోరుతున్నారు. వారు తమ అభిప్రాయాలను ఈ విధంగా చెబుతున్నారు.
విధులు ఇలా వుంటాయి...
''పోరాటం చేసే శాఖలో నియమితులయ్యే ఆఫీసర్లకు కఠినమైన ప్రాంతాల్లో పోస్టింగు వచ్చే అవకాశం వుంది.అక్కడి నుండి వారిని సరిహద్దు ప్రాంతాలకు కూడా తరలిస్తారు. అలాంటి స్థలాల్లో సాధారణంగా మహిళల్ని మద్దతునిచ్చే పనులకు, లేదా పాలనా పరమైన పనులకే పరిమితం చేస్తారు. పురుషుల్ని సరిహద్దులకు పురమాయిస్తారు. మంచులో కూరుకుపోయిన హిమాలయానికిగానీ, వాస్తవాధీన రేఖ వద్ద బంకర్‌గానీ- ఎక్కడికైనా పురుషుల్నే తరలిస్తారు. ఒకే బంకర్‌లో ఎందరో పురుషు లతోపాటు కలిసి పని చేయడం ఒక మహిళాధికారిణికి అనువుగా వుండదని వారి అభి ప్రాయం కావచ్చు. స్నానపానాదులకు ప్రత్యేకించి దీర్ఘ కాలిక వసతులు అక్కడ వుండవు.అయినా సరే మహిళలు ఇక్కడ నియామకాల్లో అవకాశం కోరుతున్నారు. కానీ అక్కడి అధికారులకు మాత్రం ఇది ఇష్టం లేదు'' అని పేరు చెప్పడానికి నిరాకరించిన ఒక మహి ళాధికారి అంటున్నారు. దీనివల్ల ఎప్పుడూ కఠినమైన విధులు నిర్వహించే యువ పురుష ఆఫీసర్లలో సులువైన పనులు చేసే మహిళాధికారంటే కడుపుమంటకు దారితీస్తుందని కొలువులోవున్న లెఫ్టెనెంట్‌ కల్నల్ ఒకరంటున్నారు.
భార్యాభర్తలైతే...
సాధ్యమైనంత వరకు భార్యాభర్తల్ని ఒకే చోట డ్యూటీ వేయడానికి సైన్యం ప్రయత్నిస్తుం టుంది. కానీ దీనికీ పరిమితులున్నాయి. ఉద్యోగరీత్యా దంపతులిద్దరూ ఏకకాలంలో శాంతి ప్రదేశానికి గానీ యుద్ధభూమికిగానీ వెళ్ళే స్థాయిలో ఉండకపోవచ్చు. లేక వారిరువురూ అందించే సేవలు ఒకే చోట అవసరముండకపోవచ్చు. ఖాళీ లేనం దువల్ల దంపతులిరువుర్నీ ఒకే చోట డ్యూటీ వేయలేరు. వారి సంక్షేమాన్ని పట్టించుకోవ డం లేదని సైన్యంలో ఆఫీసర్లలో గుర్రుకు ఇది దారితీస్తోంది. మహిళాధికారులకు శాశ్వత కమిషన్‌ కల్పిస్తే ఈ సమస్య తీవ్రమవుతుందన్నది మరో వాదన కూడా! ఇంచుమించు 21వ ఏళ్ళ వయసులో సర్వీస్‌లో చేరే మహిళాధికారి నాలుగైదేళ్ళపాటు సేవలందించిన తర్వాత పెళ్ళి చేసుకుంటుంది. సైన్యంలో చేరేటప్పుడు ఉత్సాహంతో ఉంటారు. పెళ్ళ వగానే ప్రాధాన్యతలు మారిపోతాయి. పెళ్ళి తరువాత ఇంటివైపు ఆ పై పిల్లల వైపు మొగ్గు పెరుగుతుంది. తీవ్రవాద ప్రాంతంలో డ్యూటీవేస్తే పిల్లల్ని తీసుకువెళ్ళడానికి వెనుకాడు తారు అనే వాదనలు కూడా ఇక్కడ వినిపిస్తున్నాయి. అందుకే మహిళా అధికారులను నియమించడం లేదని తెలుస్తోంది.
సామాజిక బంధనాలు...
సామాజిక బంధనాలను విడిచి మహిళలు ఉద్యోగ బాధ్యతలు నిర్వహించడానికి సహక రించలేరని ఆర్మీలో పనిచేస్తున్న పురుష అధికారులు అంటున్నారు. ''మన సమాజంలో నెలకొన్న ఆచార వ్యవహారాల ప్రకారం భర్తవద్ద వుండడం కోసం మహిళలే తమ ఉద్యో గాలను విడిచి పెట్టేయడానికి సాధారణంగా సిద్ధపడతుంటారు. భర్తతో పాటు వుండడం కోసం భార్య ఉద్యోగం మానుకున్న సంఘటనలు సైన్యంలోనే ఎన్నో చోటు చేసుకుంటు న్నాయి. భార్య అనేక చోట్ల ఉద్యోగం చేస్తూ దేశం పట్టి తిరుగుతుంటే భర్తమాత్రం ఒకే చోట పిల్లల్ని కనిపెట్టుకుని వుండడానికి ఇష్టపడతాడా? ఈ నియమాల్ని అంగీకరించ డానికి నేటి మహిళ సుముఖంగా వుందా?'' వంటి ప్రశ్నలు వారు వేస్తున్నారు.
మేము ఎందులోనూ తక్కువ కాదు...!
సామాజిక నియమాలు, కుటుంబంలో మహిళ స్థానానికి సంబంధించినవి. అవి వ్యక్తి గతం. ఇటువంటి సాకులు చూపి తమను తమ పట్ల పక్షపాత వైఖరి అవలంభించడం మహిళలకు ఇష్టం లేదు. తమ కలలను తామే కాల రాసి ఈ నియమాలు గుడ్డిగా స్వీకరిం చి ఆచరించడానికి వారు సిద్ధంగా లేరు. ''నేను కూడా రక్షణ విభాగంలోనే పని చేయాలని ఎప్పటి నండో కలలు కంటున్నాను. ఆ అవకాశం కోసం ఎదురు చూస్తున్నాను''' అంటూ ఓ మహిళా అధికారి చెబుతున్నారు. వారు పురుషులతో సమాన హోదా, మర్యాద కోరు తున్నారు. వారు దానికి అర్హులు కూడా. పురుషుల్ని పంపించే పోస్టులకు డ్యూటీలకూ తమనీ పంపించాలని పురుషులకు వర్తించే కొలమానాల్నే పాటిస్తూ తమకూ పదోన్నతు లివ్వాలనీ వారు కోరుతున్నారు. వారి ప్రతిభను రుజువుచేసుకోవడానికి సరైన అవకాశ మివ్వడం చాలా ముఖ్యం అని రిటైరైన మేజర్‌ అనామికా కపూర్‌ అంటున్నారు. ఎవరైతే అసమర్థులో వారిని ఏరేసి మిగతావాళ్ళకు సముచితమైన అవకాశాలు కల్పించాలం టోంది ఆమె. కొలువులో చేరిన మరుక్షణమే తమ వృత్తిపరమైన అవసరాలను, ప్రయోజ నాలను గ్రహిస్తామని మహిళాధికారులు శపథం చేస్తారని కనుక సైన్యం మహిళలు పురు షులతో సమానంగా అవకాశాలు కల్పించాలని రిటైరైన లెఫ్టెనెంట్‌ కల్నల్ సంగీతా సరా ్దనా అంటున్నారు.ఏది ఏమైనా తమలోనూ పోరాట పటిమ ఉందంటున్న మహిళలకు ఒక అవకాశం ఇవ్వాలని నేటితరం యువతుల అభిప్రాయం.
-హైమ సింగతల
surya telugu daily, October 15, 2010
No comments:
Post a Comment